Таң 05:01 Күн 06:33 Бесін 13:22 Екінті 17:56 Ақшам 20:01 Құптан 21:33

Тарауих намазының тарихына шолу

01/05/2019 3410 0 Абдуссамад Махат

Тарауих намазының тарихына шолу
Тарауих намазы жиырма рәкәғат етіліп оқылады. Бұл мәселеде біріншіден: Имам Әл-Байһақи Ибн Аббастан және Әс-Сәййиб ибн Язидтен (родиял-лаһу ъанһума) еткен риуаяттар дәлел.[1] Нақтырақ айтқанда Ибн Аббастың (родиял-лаһу ъанһу) риуаятында Расулуллаһ (солләл-лаһу ғаләйһи уә салләм) тарауих намазын жиырма рәкәғат етіп оқығаны жайында айтылса, Әс-Сәййиб ибн Язидтың (родиял-лаһу ъанһу) риуаятында екінші халифа Омар ибн Әл-Хаттабтың заманында тарауих намазы жиырма рәкәғат етіліп оқылатыны айтылған.[2]

 

Жалпы ғалымдар тарауих намазының рәкәғат санына қатыс-ты түрлі пікір айтқанымен, ғалымдардың басым көпшілігі: «Тара-уих рәкәғатының саны – жиырма рәкәғат»,-деген көзқарасты ұстанып, бұл мәселеде Омар, Әли т.б. сахабалардың (родиял-лаһу ъанһум) риуаяттарына сүйенген.[3]

Мәселен, мазһабымыздың Имамы Әбу Ханифа, ғалымдар-дан Имам Әт-Таури, Имам Ибн Әл-Мүбәрак, Имам Шафиғи, Имам Малик, Имам Ахмад т.б. Ислам әлеміне білімділігімен әйгілі ғалымдар тарауих жиырма рәкәғат етіліп оқылатыны жайында айтқан.[4]

Омар ибн Әл-Хаттаб[5] (родиял-лаһу ъанһу) халифалық[6]дәуірінен бастап мұсылмандар жаппай тарауих намазын жиырма рәкәғат етіп оқитын болды. Омардың (родиял-лаһу ъанһу) бұл үкіміне бірде-бір сахаба (родиял-лаһу ъанһум) әрі кейінгі халифаның бірі де қарсы шықпады.[7]

Әбу Ханифа Омардың (родиял-лаһу ъанһу) бұл ісі жайында сұралғанда: «Омар (родиял-лаһу ъанһу) мұны ойынан шығарма-ды»,-деп жауап берсе,[8] Имам Шафиғи: «Мен Меккеде адамдар тарауих намазын жиырма рәкәғат етіп оқығанын көрдім»,-деген.[9]

Пайғамбарымыз Мухаммад (солләл-лаһу ғаләйһи уә салләм) Омарды (родиял-лаһу ъанһу) көзі тірісінде-ақ ол жәннаты бола-тыны жайында айтып сүйіншілеген болатын. Ал сол Омар (родиял-лаһу ъанһу) тәрізді сахабаға еруге қатысты дәлел ретінде Расулуллаһтың (солләл-лаһу ғаләйһи уә салләм): «Менiң сүннәтiм мен әдiлеттi халифалардың жолына тiс-тырнақтарыңмен жабысыңдар!»,-деген сөзін келтіруден басқа ләжіміз жоқ![10]

 

 

Абдуссамад Махат

«Нұр Астана» мешітінің наиб имамы

 


 

 

[1]«Фиқһүл-ъи